"Инсон қадри учун" шиори остида Янги деб тамғаланган замоннинг биринчи пардасида ҳарқалай ёлғон-яшиқ, иккиюзламачилик аралаш ва ўзларинг айбдор қабилида муносабатлар бериб туриларди. Лекин воқеаларнинг бошланганига 2 ҳафтадан кўп вақт ўтди ва бу ҳақда жабрдийдалар ҳамон оғриқли саволлар билан мурожаат қилишмоқда. Лекин на бу ишларнинг бошида турганлардан, на ҳукуматдан ва на ҳокимлардан бир жавоб бор. Гўёки бу ишлар бўлмаяпти. Гўёки Туркманистонда коронавирус йўқдек, Ўзбекистонда "Ўткир иқтисодчилар"га кадрлар геноциди сиёсати қўлланилмаяпти. Парламент йўқ, "Инсон қадри учун" шиори ёзиб қўйилган кабинетларда бўлаётган ножоиз ишлар бўйича ҳукуматдан сўров сўрайдиган. Судлар йўқ, жабрдийдалар шикоят қилса, ҳақиқатни юзага чиқарадиган ва ҳокимият ва ҳукуматнинг ноқонуний ҳаракатларига баҳо берадиган. Фақат шиор бор: "Инсон қадри учун"