Ҳайрон бўлмаслик керак СССР пайдо бўлганидан токи тарқаб кетгунгача иқтисодий ва жон бошига кўрсаткичлар 1913 йил билан солиштириб келинган. Маълумот учун, 1913 йил Россия империясининг биринчи жаҳон урушигача бўлган энг охирги йили бўлган. Лекин советлар токи мафкураси-ю, йўриғи чириб битай деб қолгунча иқтисодий кўрсаткичлар ва фаровонлик натижаларини Америка е Ғарбий Европа билан солиштиришни асло лозим кўрмаган. *** Мулла Бакирнинг завжаси Турғун кампир 1905 йилда туғилган бўлган. Сталин қамоғидан қайтган мулла Бакир кўп ҳазиллашаркан: Сен туғилган вақтингдан кўра яхши яшаяпсан, масалан, ҳозир свет чироқда кўсак чуваяпсан, у вақтда энанг билан шамчироқда кўсак чувирдинг деб. *** Шундай экан, 2016 йил билан солиштиришлардан асло ҳайрон бўлмаслик керак. Бу ҳали узоқ, балки 25 йил давом этади. Қозоғистон ё Болтиқбўйи билан солиштирмаймизку.