Пенсия жамғармаси Hyatt Regency Tashkent пенсия пулларига қурилганини рад этибди. Қизиғи шундаки, ҳеч ким, ҳарқалай мен бундай манбани ўқиганим йўқ, меҳмонхона Республика Пенсия жамғармаси ҳисобига қурилганини айтгани йўқ. Олигархлар ва киборларнинг жамланадиган ва кайфу-сафо қиладиган масканига айланган Hyatt Regency Халқ банкидаги Жамғариб борилувчи Пенсия тизими маблағлари ҳисобидан ажратилган 100 миллиард сўмлик маблағлар эвазига қурилган ва ҳозирда бу кредит бўйича мажбуриятлар Тошкент шаҳар бюджети, яъни бизнинг ҳисобимиздан қопланиб келмоқда. Савол айнан мана шу ерда. Нега Жамғариб борилувчи Пенсия тизими маблағлари ҳисобига қурилган меҳмонхона, гарчи миллиардерларга хизмат кўрсатса-да, ўзининг кредитини ўзи қоплай олмайди. Нега яна бечора солиқ тўловчилар балогардон. Мазани бойлар қилади, тўлови эса яна солиқ тўловчилар зииимасига. Иккиюзламачилик ва цинизм шу ерда.