Сбербанк долларда пул ўтказмалари тўхтатилганлигини расман тасдиқлади Кеча Россиядаги ватандошларимиз Сбербанк онлайн тизими орқали долларда ўтказмалар амалга ошириб бўлмаётганидан шикоят қилишганди. Бугун Сбербанк доллардаги халқаро ўтказмалар тўхтатилганлигини расман тан олди. Айни пайтда банк хорижга рубль ёки еврода пул ўтказмаси амалга ошириш мумкинлигини маълум қилган. Меҳнат мигрантларимиз агар бу техник жиҳатдан имконли бўлса, ўтказмаларни рублда эмас, еврода амалга оширганлари маъқулроқ деб ҳисобланилади. Рублнинг эркин конвертирланган валюта ўлароқ функциялари чекланган кўринишда қолмоқда.