Сбербанкда пул ўтказмалари энди фақат рублда амалга оширилади Сбербанк хорижга валюталардаги ўтказмаларини тўлиқ чеклади. Аввалроқ, 18 мартдан бошлаб Сбербанк АҚШ долларидаги халқаро ўтказмаларини тўхтатганди. Бугунги кунгача евро, иена, швейцария франки, норвегия кронаси ва сингапур долларида халқаро ўтказмаларни амалга ошириш имкони бор эди. Энди банк муассасалари ва Сбер онлайн иловаси орқали фақат рублда ўтказма амалга ошириш мумкин. Банк мазкур чекловларни хорижий банкларда очилган вакиллик ҳисобварақларига киритилган санкцион чекловлар билан изоҳлаган.