Пул бозорида нима гап? Марказий банк банклараро пул бозоридаги вазият бўйича шарҳларни очиқлади. Асосий тезислар: Март ойида пул бозоридаги ҳолат иқтисодиёт субъектларининг девальвацион кутилмалари ортиши ҳисобига хорижий валютага бўлган талабнинг кўпайиши сабабли сўмдаги ликвидлик ҳажмининг сезиларли камайиши ҳамда ойнинг иккинчи ярмида пулкредит шароитлари ва операцияларига киритилган ўзгартиришлар фонида шаклланди. 2022 йилнинг I чорагида Марказий банкнинг ички валюта бозорига интервенциялари ҳажми 2,4 млрд долларни (26,8 трлн сўм эквиваленти) ташкил этиб, 2021 йилнинг сўнгги чорагига нисбатан 19 фоизга кўп бўлди. Ликвидликни бошқаришда аксарият банклар томонидан пул бозоридаги амалиётлардан кўра, Марказий банк инструментларига мурожаат қилиш афзал кўрилмоқда. Март ойи охирига келиб “UZONIA” (овернайт операциялар ўртача фоиз ставкаси) 18%гача ва “UZWIA” (муддати 2-7 кун бўлган операциялар ўртача фоиз ставкаси) 17%гача яқинлашган.