ЦентрКредит Альфа-Банкнинг Қозоғистондаги шўъбасини сотиб олди АҚШ, Европа ва Британия санкцияларига киритилган, SDN типидаги рўйхат чекловларига учраган Альфа-банкнинг шўъбалари фаолияти, хусусан Қозоғистондаги шўъбаси фаолияти тўхтаб қолганди. Вазиятдан чиқиш учун активларни ёки банкни сотишдан ўзга чора қолмагач, Альфа-банк Қозоғистондаги шўъбасига харидор излай бошлаганди. Бугун Банк ЦентрКредит "Альфа-Банк - Қозоғистон"нинг 100% оддий акцияларини сотиб олганини эълон қилди. Энди сотиб олинган банк ECO BANK номи билан фаолият олиб боради. Мазкур битим ЦентрКредитнинг ўз маблағлари ҳисобидан амалга оширилгани айтилмоқда, лекин битим суммаси очиқланмаган. Сотиб олинган банкни SDN типидаги рўйхатдан чиқариш ҳаракатлари бошлаб юборилган. ЦентрКредит Қозоғистоннинг ТОП-5га кирувчи энг йирик банкларидан бири, филиаллар тармоғи билан бутун Қозоғистонни қамраб олган.