Криптовалюталар учун "қора пайшанба" Бугун криптовалюталар тарихида энг машъум кунлардан бири бўлиб қолади. Криптосегмент эрталабдан буён кучли тебраниш ва талвасалар жараёнини бошдан кечирмоқда. Криптобозордаги энг биринчи ва ликвид ҳисобланган биткоин 26 600 долларгача арзонлади. Бу 2020 йил декабрдан бери қайд этилган минимум. Эфир нархлари ҳам 2021 йил кўрсаткичларига қайтган. Барқарорлиги билан машҳур Терра 60%дан зиёд қийматини йўқотди. Криптовалюталар ортидан валюталарга боғланган стейблкоинлар ҳам арзонлашиши кузатилмоқда. Трейдерлар криптосегмент инвесторлар учун анъанавий платформалар бўлган S&P 500 трендини такрорлаётганига эътибор қаратишмоқда. ФРТ ставкаси ошиши ва юқори инфляция инвесторларга, улар қайси сегментда активлар жамғарган бўлишидан қатъий назар, рискли портфеллардан чиқишга ундамоқда.