Россияга экспорт ўсмоқда, Россиядан импорт эса ўсишдан тўхтаган Март ойидаги минимумлардан кейин кетма-кет иккинчи ой Россияга экспорт шиддат билан ўсмоқда. Май ойида Россияга 239,6 млн.долларлик экспорт амалга оширилган (бу пандемиядан кейинги даврда ойлик максимум). Ойлик импорт эса қисқармоқда. Май ойида Россиядан 439,8 млн.долларлик товар ва хизмат импорт қилинган (512,6 млн.долларлик ойлик максимум урушдан аввал 2022 йил февралда қайд этилган эди). Бу тенденция ўтган йилнинг май ойи маълумотлари билан солиштирганда ҳам сезилади. Рублнинг сўмга нисбатан ҳам, долларга ҳам мустаҳкамланаётгани шароитида бу қандайдир тушунарсизроқ жараён. Жами экспорт ҳажми Россияни инобатга олмаганда ҳам, олтинсиз ҳисобларда ҳам барибир юқори суръатларда ўсмоқда. Январь-май ойларида 8,4 млрд.долларлик экспорт, 12,2 млрд.долларлик импорт қайд этилган.