Украин буғдойининг ўғрилари таъқиб қилина бошлади Украинада уруш бошлангандан кейин босқинчиларнинг алоҳида эътиборидаги объектлардан бири бу буғдой омборларини эгаллаб олиш бўлиб қолган эди. Агрессорнинг мақсади шу йўл ва босиб олинган ҳудудларда янги ҳосил етиштиришга йўл қўймаслик орқали бутун дунё бўйлаб буғдой дефицитини яратишга қаратилди. Россия қисман мақсадига эришди ҳам, март-июнь ойларида буғдой нархлари мисли кўрилмаган даражада қимматлашди. Айни вақтда миллионлаб тонна ўғирланган украин буғдойини россия буғдойи сифатида сотиш ҳам оммалашиб борди. Ниҳоят жаҳон ҳамжамияти бу қароқчиликка чек қўйиш ҳаракатига тушмоқда. Кеча Туркиянинг Карасу портида гўёки Россия компаниясига тегишли буғдой ортилган кема ушланган. Ўғирликни ниқоблаш учун россияликлар Қозоғистон компаниясига тегишли кемани ёллаганлар. Украина томони буғдойни конфискация қилинишини талаб этмоқда. Кеманинг тақдири бугунги суд маҳкамасида ҳал бўлади.