Буғдой нархи 10 йиллик максимумгача кўтарилди Бугун Европа иттифоқи платформаларида буғдойнинг бир тоннаси нархи 353 долларгача етди. Буғдой Украинага ҳужум бошлангандан буён 40 долларга қимматлади. Украина ва Россия дунёнинг энг йирик буғдой экспортчиларидан ҳисобланади. Глобал экспортнинг 30%и шу икки давлат ҳиссасига тўғри келади. Ёпилган Азов денгизи ва Россия босиб олган Қора денгиздаги украин портлари украин ва рус буғдойини халқаро бозорга элтадиган асосий экспорт маршрутдир. Европа бозорида буғдой нархининг кўтарилиши тез орада бошқа минтақаларга ҳам ўз таъсирини кўрсата бошлайди.