Хорижий армия ё ҳарбий тўдаларга ёлланиш - бу жиноят! Ташқи миграция агентлиги Украинадаги урушга жалб қилувчилардан огоҳ бўлишга чақирмоқда. Агентлик Россия ва Украина ўртасидаги зиддиятли ҳудудларга жалб қилиш асосий мақсади бўлган эълон ва ташвиқотларга ишонмасликни сўраган ва Жиноят кодексининг 154/1-моддаси бўйича хорижий армия ё тўдаларга ёлланиш уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланишини эслатиб ўтган. Аввалроқ Медиазона ва Медиахаб порталлари Путиннинг ошпази лақабли Евгений Пригожин назорати остидаги Вагнер хусусий армияси ўзбекистонлик ва қирғизистонликларни Украинадаги урушга жалб қилаетгани бўйича суриштирувларни очиқлашганди. Расмий мобилизация эълон қилишдан чўчиетган ва барча фронтларда аскарлар етишмовчилигига дуч келаётган Россия учун чиқим материали сифатида пиёда қўшинлар жуда керак. Шу пайтгача энг қашшоқ ҳудудлар - шимолий Кавказ, Олтой ва Сибирдан пул учун жалб қилинганлар ҳам армия учун гўшт бўлишдан воз кеча бошлади. Табиийки, энди эътибор Марказий осиега қаратилмоқда. Катта пул, фуқаролик бериш ваъдалари ҳаммаси ўлимга етаклайди. Тирик қолганларни эса қамоқ кутади. https://t.me/migratsiyaagentligi/6796