Кичик бизнесменлар фойда солиғини 2 баробар кам тўлайди Бу ҳақда Президент тадбиркорлар билан ўтказаётган мулоқотида маълум қилди. 2023 йилнинг 1 январидан бошлаб кичик бизнес вакилларининг фойда солиғи икки баробарга камаяди. Бу имтиёз 370 минг кичик тадбиркорга енгилликлар яратади ва уларга жуда катта стимул беради. Қайд этиш керакки, айрим тадбиркорлар солиқ юкидан қочиб, даромадларини яширади ва турли йўллар билан ўзини микро бизнес вакили қилиб кўрсатишга уринади. Ушбу янгилик микро бизнесдан кичик бизнесга ўтган тадбиркорларга ўз ўрнини топишда катта ёрдам беради. Маълумот учун, кичик бизнес тоифасига йиллик айланмаси 1 миллиард сўмдан 10 миллиард сўмгача бўлган бизнесменлар киради.