Хусусий тадбиркорлар ва ўзбандларни рағбатлантириш орқали норасмий иқтисодиёт оқартирилади Давлат раҳбарига намойиш этилган тақдимотга кўра, якка тартибдаги тадбиркорлар ва ўзини ўзи банд қилган шахслар учун 2030 йил 31 декабрга қадар махсус ҳуқуқий режим жорий этилади. Уларни давлат рўйхатидан ўтказишдан тортиб ҳисоботни топширишгача бўлган барча асосий хизматларни бирлаштирувчи интеграциялашган рақамли платформалар яратилади (тўловларни қабул қилишдан солиқ тўлашгача). Хусусан, 2026 йил 1 январдан бошлаб, йиллик айланмаси 1 миллиард сўмгача бўлган якка тартибдаги тадбиркорлар ва ўзини ўзи банд қилган шахслар учун айланмадан олинадиган солиқ ставкаси 1 фоиз миқдорида белгиланади (ҳозирда 4%гача).