Ўзбекистонда бозорлар нега ёнади? Ботир Кобилов ҳамкасбига Ўзбекистонда бозорлар тез-тез ёниб кетиши феноменини қандай тушунтиришини билмаётганидан ёзғирмоқда. Бозорлар, албатта олов кетса, ўт чақнаса ёнади, яна ҳимояланган мулк ҳуқуқи йўқлиги, шаффоф ва очиқ ер бозори шаклланмагани, қонунлардан устун ва ташқарида бўлган анъаналар сақланиб қолаётгани учун ёнса керак, деб ўйлайман. Балки шунинг учун, журналист Шокиржонов айтганидек, ёнган бозорлар ўрнида бозор қайтиб қурилмас. Илгари ёмон ўтган замонда бозорлар камроқ ёнардими, билмайман, балки хабар камлигидан шундай ўйлаганмиз, балки аномал иссиқ бўлмаганидан, балки бозорни ёниб кетишидан кўчириб юбориб, ўрнини эгаллаш осонроқ бўлганидан, ким билади энди. Ҳа, Уч Қаҳрамон бозорининг 40%и ёниб кетипти. Жабрдийда дўкондорларга сабр берсин.