Рақобат қўмитаси Ўзбекнефтегаз 92 бензин базавий нархини 12%га қачон кўтарганини аниқлайдими? Агарда айтайлик, қайсидир субъект нархни 2 карра кўтариб, кейин 30% чегирма ё пасайтириш деб эълон қилса, антимонополия органлари буни нарх манипуляцияси деб топади, чунки бу алдовда истеъмолчи учун нарх 40%га ошган. Ўзбекнефтегаз мисолида ҳам шундай бўлмоқда. Монополист АИ-92 бензиннинг базавий нархини аввал 11 млн 538 минг сўмдан 12 млн 881 минг сўмга (~12%) ошираяпти, лекин бу ҳақда бирон жойда лом-лим дегани йўқ. Кейин базавий нархни 12 млн 628 минг сўмга тушираяпти (~2%), бу ҳақда ҳар бир бузуқ розеткадан карнай чалаяпти. Жамоатчиликни, ОАВларни, истеъмолчиларни очиқчасига манипуляция қилмоқда. Агар Ўзбекнефтегазга бу мумкин бўлса, қолганларгаям мумкинми? Рақобат қўмитаси ҳеч қурса, Ўзбекнефтегаз 92 бензин базавий нархини 12%га қачон кўтарганини аниқлайдими? (Бизнингча, бу ўтган ҳафтада рўй берган).