Очиқ рақобат шароитида Аи-92нинг қизил нархи 7500 сўм Қарор қабул қилиш горизонти обедгача бўлган монополист март ойида эълон қилган гўёки баҳорий чегирма нархлари аслида ҳеч қанақа чегирма эмас. Очиқ бозор шароитида, импорт, биржа, улгуржи савдо, эркин рақобат муҳитида бугунги нефть котировкалари ва нефть ва бензин импорт қилинувчи мамлакатлардаги нарх шаклланишидан келиб чиқилса, Аи-92нинг қизил нархи 7500 сўм. Бундан ортиғи талончилик. Шу 7500 сўм ичида барча солиқлар ҳам, барча харажатлар, хусусан рентабелликни таъминловчи маржа ҳам мавжуд. Унда нега ўзбекистонликлар узунқулоқ ҳайвоннинг шиптиридан фарқ қилмайдиган маҳсулотни 10 минг сўмни тепасида сотиб олишга мажбур? Чунки бу нархнинг ичида 4 млрд.долларгача шиширилган лойиҳаларнинг товони ҳам ўтирипти, фақат пул ўзлаштиришдан иборат паразит футбол клубларининг нархи ҳам ўтирипти, текинга бериб юборилган кон ва активларнинг нархи ҳам ўтирипти. Шунинг учун эртадан кечгача халқнинг қарғиши остидаги монополист ўзича "марҳамат" кўрсатиб, 7500 сўмлик нархни чегирма деб айтмаслиги керак. "бозор муносабатига мувофик, очиқ соғлом рақобат мухитига кура" деган чаласавод шаблонларни ишлатишгаку умуман ҳаққи йўқ.