Россия гази учун потолок нарх: минг кубига 520 доллар Еврокомиссия таклифлар пакетида Россия гази учун мўлжалланган чекланган нархлар ҳам ўрин олган. Унга кўра рус газининг чекланган нархи бир мегаватт-соат учун 50 евро ёки куб қийматга ўгирганда ўртача минг кубига 520 доллардан ошмаслиги керак бўлади. Ҳозирда Европа платформаларида спот битимлари минг кубига ўртача 2350 доллардан тузилмоқда. Еврокомиссия таклифлари 9 сентябрь куни Энергетика вазирлари йиғилишида муҳокама этилиши мумкин. Комиссия, шунингдек, зарурат туғилганда Россия газидан зудтар воз кечишга ҳам тайёр бўлиш кераклиги ҳақида огоҳлантирган. Аввалроқ G7 давлатлари рус газига нисбатан чекланган нархлар ўрнатиш тўғрисида келишиб олишганди.