АҚШ ўз фуқароларига Россия ҳудудини зудлик билан тарк этишларини сўрамоқда Қўшма штатларнинг Россиядаги элчихонаси Россияга сафарлардан воз кечишни ва агар Россия ҳудудида бўлиб турган Америка фуқаролари бўлса, Россиядан кетиш учун чекланган транспорт имкониятлари мавжудлигида мамлакатни зудлик билан тарк этиш лозимлиги ҳақида огоҳлантирмоқда. Дипломатик миссия қўшфуқароликка эга АҚШ фуқаролари ҳам мобилизация жараёнига тортилиши мумкинлиги, уларнинг Россиядан чиқишга чекловлар қўйилиши мумкинлигини, ёрдамга муҳтожларга кўмак бериш учун элчихона имкониятлари чекланганлигини ҳам қайд этган. Аввалроқ АҚШ маъмурияти Россиянинг ядро шантажига муносабат билдириб, мабодо Россия Украинага қарши ядро қуролини ишлатгудек бўлса, Америка қўллайдиган жавоб Москва учун "катастрофик оқибатлар" яратиши ҳақида огоҳлантирган эди.