Орзудаги Ўзбекистонда олигархия бўлмайди Албатта уларни қамаш ёки четга қувиш шарт эмас. Уларга қарор қабул қилувчи кабинетлар эшиклари ёпилади, очиқ бозор ва рақобатга рўпара қилинади, имтиёз ва преференциялардан маҳрум қилинади. Бўлди. Очиқ бозор ва рақобатга рўпара қилинган, имтиёз ва преференциялардан маҳрум бўлган олигарх ё ҳамма учун тенг шароитларга кўникади ёки Березовскийга ўхшаб очдан ўлади, балки Лужковнинг хотини ва қайноғаси сингари банкрот бўлади. Яна келажакда олигархия қайта туғилмаслиги учун олигархик белгиларга эга шахсларнинг сиёсий фаолияти, ОАВ/медиага эгалиги, катта хусусийлаштиришда иштироки, давлат буюртмаларини эгаллаши Қонун йўли билан чекланади.