​Сентябрда 78,2 минг россиялик турист Ўзбекистонга келган. Бу апрелдагидан кўра 2,7 баробар кўп Расмий статистика тақдим этган маълумотлардан келиб чиқилса ва ўтган ойлардаги рақамлар билан солиштирилса, сентябрда 78,2 минг россиялик туристик мақсадда Ўзбекистонга ташриф буюргани маълум бўлади. Аввалги ойларда россияликларнинг ташрифи қуйидаги ўлчовларда бўлган: август - 69,7 минг июль - 61,6 минг июнь - 53,4 минг май - 47,5 минг апрель - 29,3 минг январь-март - 55,4 минг (апрелдан аввалги ойларда маълумот берилмаган). Чуқурлиги доим танқид остига олинадиган ўзбек статистикаси ўтган йили ва туристик мақсаддан бошқа мақомда ташриф буюрган россияликлар тўғрисидаги маълумотларни очиқламаган.