"Ўзбекистонда нарх-наво бошқарилмайди" Дарё мухбири Марказий банкнинг Беларусдаги каби сиёсатга муносабати ва иқтисодий вазият ёмонлашса, Ўзбекистон ҳам шундай йўл тутиши қандай оқибатларга олиб келиши ҳақида сўраган. "Беларуснинг нархларни оширмаслик сиёсатига муносабатимиз салбий. Бундай йўл билан ҳеч нарсага эришиб бўлмайди. Президентимиз Марказий банкка раҳбар бўлаётганимда: «бизга бошқариладиган нарх-наво керак эмас, бозор белгиласин. Бозордаги нарх мўътадил бўлишига Марказий банк қўлидан нима келса, таъминлашингиз керак», дегандилар. Шу пайтгача мазкур вазифани бажаряпмиз. Иқтисодий вазият ёмонлашган тақдирда ҳам Марказий банкнинг қарашлари ва фикри унақа усулдан бормайди".