Бир ойлик танаффусдан кейин олтин котировкалари 1700+ долларга қайтди Ставкаларнинг ошиши фонида олтиннинг арзонлашишда давом этиш ўрнига яна қимматлаша бошлаган. Бир ойлик танаффусдан кейин, кеча олтин нархи яна 1700 долларлик коридорга қайтган ва айни дақиқаларда бир унция олтин учун 1710 доллар таклиф этилмоқда. Кузатувчилар олтиннинг ноодатий қимматлашувини Хитой ёки Россия марказий банклари ҳаракати билан боғлашмоқда. Биринчиси ҳеч қачон олтин захираларини ошкор қилмаган, лекин Хитой олтин импортини кескин ошираётгани шундай гумонга боришга ундайди. Иккинчиси эса уруш бошлангач маълумотлар эълон қилишни тўхтатган, лекин халқаро транзакциялар ва валюта билан боғлиқ санкциялар кучайиши эҳтимоли шунга мажбур қилаётган бўлиши мумкин.