Олтин котировкалари рекордни янгилади Асосий экспорт товаримиз бўлган олтиннинг унцияси бугун 2 142 долларгача кўтарилди. Бу 2023 йил декабрдаги максимал нархлардан 7 долларга қимматроқ дегани. Декабрдаги қисқа муддатли сакрашдан фарқли ўлароқ, бу сафар олтин нархлари кечадан буён 2 100 доллардан пастга тушаётгани йўқ. Юқори нархлар асосий қисми олтинда бўлган захираларимизни номиналда бироз тикланиб олишига ҳам ёрдам беради.