Олтин нархлари тарихий рекордни янгилайдими? Ҳафта бошидан буён олтин котировкалари бир унция учун 2000 доллардан пастга тушгани йўқ. Кеча айрим битимларда бир унция олтин 2055 долларгача қийматда сотилди. 3 йил аввал 2020 йил августда олтин нархлари пандемия даври талотўплари шароитларида 2072 долларгача чиққан эди. Ҳали бу тарихий максимум янгилангани йўқ. Кўтарилаётган нархлар 70%дан ортиқ қисми олтиндан иборат захираларимизнинг яна бирмунча ўсишига туртки бериши ва сўмнинг барқарорлигига кўмаклашиши мумкин. Табиийки, қулай нархлар асосий экспорт товари ҳисобланган олтин экспортини ҳам янада рағбатлантиради. 2023 йилнинг 10 ойида Ўзбекистон рекорд миқдорда 6,9 млрлд.долларлик олтин сотган, бу рақам йил охиригача янада ошишини кутса бўлади.