Геосиёсий мураккаблик олтин нархларини максимумга яқинлаштирди Қаттиқлаштириш сиёсати, долларнинг қимматлашуви, ставкаларнинг ошиши фонида сентябрь охирида 1 820 долларгача арзонлаган олтин ўтган ҳафта қаддини анча тиклади. Геосиёсий зиддиятлар ва янги уруш ўчоқларининг пайдо бўлиши эҳтимоли олтин нархини ўтган жума оқшомида 1 996 долларгача кўтарди. Бу сентябрдаги минимумлардан 10 фоизга қимматроқ дегани. Кутилаётган ҳарбий амалиётлар бошланса ва кескинлик юмшамаса, тренд давом этиши мумкин, чунки хатарлардан қочиш учун энг яхши бошпана бу олтин. Олтин котировкаларини қимматлашуви халқаро захираларининг асосий қисми олтинда шаклланган Ўзбекистон учун яхши хабар. Бу бир муддат захираларимизнинг қисқаришини тўхтатишига ёки секинлашувига туртки беради.