Олтин нархининг кескин ўсиши захираларимиз қолдиғини мувозанатлаган Октябрнинг охирги кунларида олтин котировкаларининг унциясига 2010 долларга етгани халқаро захираларимизнинг позициясини анча мустаҳкамлаган. Октябрь якунига кўра 1 864,7 млн.долларга ўсган захиралар қолдиғи 32 904,0 млн.долларга етган. Захираларнинг ўсиши мундарижасини олтин нархнинг кўтарилиши ва қулай нархлардан фойдаланиб, 600-650 млн унция атрофида (20 тонна) олтин сотилиши шакллантирган. Натижада, унинг валюта қисми 988,2 млн.долларга 8 380,3 млн.долларгача, олтин қисми эса 876,9 млн.долларга 23 972,4 млн.долларгача кўпайган. Захиралариимизнинг қарийб 73%и олтин шаклида бўлгани учун, унинг қийматдаги қолдиғи олтин нархларининг сакраши ё тушиши ҳисобига юқори ўзгарувчанлик ҳолатида қолверади. Бундай шароитда эътиборни олтиннинг физик ҳажми ва валютадаги захиралари динамикасига қаратиш ўринлироқ бўлади.