Захираларимиз ўсган, олтин реализацияси тикланган Октябрь ойи давомида расмий захираларимиз 35,2 млрд.долларгача кўпайган (+0,7 млрд.доллар). Захираларнинг кўпайиши валютадаги активлар (+0.4 млрд.доллар) ва олтин қиймати (+0.3 млрд.доллар) эвазига рўй берган. Захираларда олтиннинг физик ҳажми 200 минг троя унциясига камайган. Ҳар ойда ишлаб чиқарувчилардан сотиб олинадиган олтиннинг физик ҳажми 300 минг троя унциясига ошиб боргани инобатга олинса, октябрда олтин котировкалари қулай келгани эвазига, олтин реализацияси тикланган бўлиши эҳтимоли баланд.