Национализация ва бозор Вазият бутунлай издан чиқиши ва кейин аллақачон қабул қилиб бўлинган қарорларни факт сифатида қўйиб, бизга танлашдан бошқа вариант қолдирилмайдиган ҳолатгача бормаслик учун иккита ечим бор. Биринчиси - национализация. Охирги олти йилдаги "прихватизация" қилинган барча энергоактивлар национализация қилиниши зарур. Режали ўйланган саботажлар ва миллий манфаатларимизга хавф солаётган тижорий манфаатларни тўхтатишнинг бошқа иложи йўқ. Иккинчиси - бозорга ўтиш. Ички нархлар тўлиқ қўйиб юборилиши зарур. Нархларнинг ўсишига токи ички нархлар глобал нархларга тенглашиб, энергоресурсларни ички бозорда яратиш ва сотишга ўта кучли рағбат ҳосил бўлмагунча тўсқинлик қилмаслик. Электр энергияси, углеводородлар импорти ва экспорти бўйича барча чекловлар йўқ қилиниши, у тарифларми, нотариф ё лицензия тўсиқларими, фарқи йўқ. Ҳаммаси бекор бўлиши керак. Субъектив.