Любая генерация хороша Айни дамда ҳеч кечиктирмай ва ҳеч нима ютқазмай амалга оширилиши мумкин бўлган беш вазифа: Биринчидан, мулкчилик шаклидан қатъий назар ҳар қандай катта ё кичик янги генерацияни (шамол, қуёш, гидро, ёқилғи - фарқи йўқ) ҳар қандай солиқлардан беш йил муддатга озод қилиш; Иккинчидан, мулкчилик шаклидан қатъий назар ҳар қандай катта ё кичик янги генерацияни магистраль тармоқларга чекловларсиз ва бепул уланишини ва охирги истеъмолчига бевосита сотиш имкониятини яратиш; Учинчидан, мулкчилик шаклидан қатъий назар ҳар қандай катта ё кичик янги генерация тарифларини камида беш йилга эркин деб эълон қилиш ва нархларни тартибга солмаслик; Тўртинчидан, мавжуд ИЭС, ГЭС ва бошқа ишлаб турган станцияларни турли ie,=fkb схемалар орқали ишончли бошқарувга беришни буткул тўхтатиш. Бу миллий манфаатларга тўғридан тўғри зарар келтириш дегани (хиёнат деган категория ҳуқуқда йўқ). Энергоактивларни сотиш лозим бўлса, уларни фақат эркин конкурс ва савдоларда сотилиши керак. Бешинчидан, фақат эркин савдоларда ва бозор нархида генерация активларини сотиб олган инвесторгина ишлаб чиқарган электр энергиясини бозор нархида сотиш ҳуқуқига эга бўлиши лозим. Саналганлар мутлақо шахсий қарашлардир. @the_bakiroo