Энергокелажагимизни синовдан ўтмаган АЭС эмас, қуёш ва шамол станциялари ва сақлаш технологиялари белгилайди Эътибор беринг, тендерсиз, ёпиқ келишувлар, дордан қочган, сопини ўзидан чиқарувчи инвесторлар ва пудрат қиролларининг қўли теккан биронта энерголойиҳа иқтисодий самарали эмас, коппор зарарда ёки истиқболсиз. Синовдан ўтмаган АЭС истисно бўлади, нархи шиширилмайди, энергобарқарорликни таъминлайди деб ўйлайсизми? Шахсан мен энергокелажагимизни инвесторлари очиқ тендерлар орқали танланаётган қайта тикланувчи энергия тақдим этувчи лойиҳаларда кўраман. Қуёш ва шамол станцияларининг заиф томонларини тобора сақловчи технологиялар тўлдиришни бошламоқда ва бу фақат бошланиши. Эртага эркин бозорга ўтишимизнинг, очофат монополистлар нархларни ошириб юбормаслигининг кафолати ҳам шулар.