​Инсулин йўқмуш. Биз уни маҳаллийлаштирганмизку! Журналист Шокиржонов кейинги икки-уч ойда республикамиз бўйича қандли диабет билан касалланган беморлар ҳар куни қондаги қанд миқдорини камайтиришда ишлатадиган инсулинни топиш муаммога айлангани ҳақида ёзмоқда. Шокиржонов, Ўзбекистонда импортга қарши эълон қилинган урушни тушунасизми, йўқми? Сиз муқаддас сигиримиз бўлган маҳаллийлаштиришга қаршимисиз? Ахир 4 йил аввал биз инсулин ишлаб чиқаришни маҳаллийлаштирганмизку. Андижонда Марказий Осиёда ягона инсулин дори воситалари заводи ишлаётганидан хабарингиз йўқми? Адашингиз Шуҳрат Қўшақбоевичнинг ташаббуслари билан очилган инсулин заводдан бир хабар олиб келинг. Боринг. Ўрганинг!