​6 миллион тонна кўмир қани? Ноябрда импорт қилинган 173 миллион долларлик кўмирни, масалан агар Қозоғистондан август нархларида сотиб олган бўлсак, бу 6 миллион тонна кўмир дегани. Қозоқ статистикасига кўра, январь-август ойларида бир тонна қозоқ кўмири ўртача 28,72 доллардан экспорт қилинган. Агар ноябрда кўмирни логистика бўйича бизга энг яқин бўлган Қозоғистондан сотиб олган бўлсак, бу 6 миллион тонна кўмир дегани. Бунча кўмирни темир йўл таший олганми? Бунча кўмир қайси омборларга жойлаштирилган? Уни кўрса бўладими? Албатта бу саволларнинг ҳеч бирига ўзбек расмийлари жавоб бермайди. Берган тақдирда ҳам кўмир узоқ хориждан келтирилиб, ёқиб бўлинди, қабилида жавоб бўлади. Дарвоқе, Порошенко даврида кўмирни Украинага бир неча минг километр наридаги Жанубий Африка Республикасидан ва ҳатто Австралиядан келтирилди, дея пул ўзлаштирилган. Амалда кўмир Россия босиб олган Донбасс ҳудудидан контрабанда билан келтирилган ёки умуман келтирилмаган, ёқилди дея "списать" қилинган ва фақат офшорларга пул кетган холос. Газ ишидан кейин кўмир иши очиладими?