Айни дамлар ва яқин кунларда коронавирус омилининг банк тизимига таъсири фақат операцион рисклар орқали намоён бўлади холос. Бу рискларни эса бемалол бошқариш ва минималлаштириш мумкин. Бунинг учун кўп нарса керак эмас: Мижозлардан банк хизматларини имкон қадар онлайн илова ва интернет банк хизматлари орқали амалга ошириш, банклардан эса онлайн ва масофавий хизматларни офлайнда хизмат кўрсатишдан кўра нисбий афзаллигини ва арзонлигини яратиш талаб қилинади. Эсдан чиқарманг! Шахсий гигиенадан кейинги ўринда Коронавируснинг энг катта душмани - рақамлашиш! Банкларда банк муассасаларига келаётган мижозлар учун вирусга қарши энг минимал ҳимоя воситаларини таъминлаш учун имкониятлар мавжуд. Шу билан бирга, мижозлар банкларга ташриф буюришдан аввал ўзларини ҳимоя қилиш борасида элементар тайёргарликка эга бўлсалар асло зиён қилмайди. Регулятор ўзининг олдиндан ҳаракатлари орқали банк тизимида юқори даражада ликвидлилик ёстиқчасини ярата олган (Марказий банкнинг ортиқ даражада эҳтиёткорлигини танқид остига олганларга саломлар). Ўзбекистон банклари сўмда ҳам, хорижий валютада ҳам барча мажбуриятларига тўла ва ўз вақтида жавоб бера олади. Бу борада шубҳага заррача ўрин йўқ! @the_bakiroo