Россиянинг энг йирик банки Сбербанк Президенти Герман Греф ўзини ўзи изоляциялаган ҳолда ишламоқда. Банкнинг бугунги Бошқарув йиғилиши қатнашчиларининг масофадан туриб мулоқоти тарзида ўтказилган. Газпромбанк 60%дан ортиқ ходимини уйдан туриб ишлаш режимига ўтказмоқчи. Тинькофф банк эртадан ходимларнинг иш жойини офислардан уйларга ўтказиш тадбирларини бошлайди. Бу ҳақда банкнинг раҳбари Оливер Хьюз очиқ хатида маълум қилган. ВТБ ва Росбанк ҳам янги шароитларни тан олган ҳолда ишлашга ўтиш ҳаракатларини бошлаган. Нима бўлгандаям, мазкур кризисдан кейин банклар ҳам, банкирлар ҳам аввалгидек бўлмайди. Коронавирус банклар эволюцияси билан юз бераётган ўзгаришларни ўта тезлаштириб юборди.