Иқтисодиёт ва молия бош секретарияти Ўтган куни мисоллар келтира туриб, Францияда молия ва иқтисодиёт вазирлиги битта экани айтилганди. Ростанам шунақа, лекин бу битталик бош секретарият мақомида. Яъни секретариат ичидаги тузилмалар тўла автономликни ва ҳатто ўзаро зиддиятларни ҳам сақлаб қололган. Бизда қанақа бўлади. Тасаввур этолмайман. Лекин ўлчовлар янгиланиши аниқ. Олдингидек бўлмаслиги аён. Хатолар давом этади. Лекин хатолар бўйича танқидларга қандай реакция бўлиши бўйича прогноз қилиш буёғига қийин. Олдинги блокнинг хатоларга ва танқидларга нисбатан мўътадил муносабати янгиланган блокда ҳам сақланиб қолишини кутиш жудаям позитивлик бўлган бўларди. Энг ёмони янги келганларнинг иделогияси қандай эканини билиш мумкинмас. Улар ўнг ҳам эмас, сўл ҳам эмас. Либерал ҳам эмас, консерватор ҳам эмас. Улар садоқатли ижрочи. Мафкураси йўқ зўр ижрочи. Шу маънода мен билмайман кейинги қадамлар қандай бўлади. Менда фақат номаълумлик. Кимдадир аниқлик борлигиниям билмайман. Кетаётганларга танқидлар учун тоқатли бўлишгани, тақиқлашмагани, ҳеч кимни қувишмагани, ёмонотлиқ қилишмагани, эшитишгани учун раҳмат. Қолган баҳони уларга тарих беради.