Россия Марказий банки, гарчи рубль эркин қулашда давом этаётган бўлса ҳам, вазиятга аралашмаяпти. Ва 2014 йилдаги рубль курсини сунъий ушлаб туриш учун захираларни сарфлаш сингари йўл қўйилган хатолардан тўғри хулоса ясаб, ҳаммасини тўғри қилаяпти. Классик бозор шароитида регулятор айнан шундай иш тутиши керак. Рубль ўзининг тубини ўзи топиб олиши лозим. Қулашга қарши маъмурий йўл билан каскадлар қўйиш тубни янада чуқурлаштиришини Россиядаги балки охирги профессионаллар жамоаси бўлган Марказий банк тўғри тушунмоқда. Эртага Россия Марказий банки кенгаши асосий ставкани кўриб чиқиш масаласида йиғилади. Ставкани оширилиши эҳтимоли юқори.