United Cement Group компанияси S&P Global Ratings агентлигининг B+ позитив рейтингини қўлга киритди Standard & Poor’s — халқаро, миллий ва корпоратив молиявий бозорларни таҳлил қилиш бўйича етакчи ҳисобланган учта халқаро рейтинг агентлигидан бири ҳисобланади. SNP кредит рейтинги, қарздорлик мажбуриятлари асосида ўз таҳлилларини олиб боради ва компаниялар, мамлакатлар учун обрўли ҳамда ишончли ҳисобланади. Ўз таркибида Ўзбекистон ва Қирғизистондаги бир нечта цемент заводларини бирлаштирган UCG компанияси яқинда S&P Global Ratings агентлигининг B+ позитив рейтингини қўлга киритди. У нафақат Ўзбекистонда, балки бутун Марказий Осиёда ушбу эътирофга сазовор бўлган илк компаниядир. 2023 йилда компания йиллик цемент ишлаб чиқариш қувватини 10 млн тоннагача етказишни режалаштирган. Маълумот учун, UCG компаниясининг ўзбек цемент бозоридаги улуши 2022 йилда 35%ни ташкил этган. Манба