Оҳангаронцемент яна бенефициарларини ўзгартириши мумкин Ўзбекистондаги энг йирик цемент заводларидан бири Оҳангаронцементнинг 84%дан зиёд акциялар пакети савдога қўйилган. Музокара аукциони тарзида битта акция учун эълон қилинган энг кам нарх 103 593,05 сўм. Жамият акцияларининг номинал қиймати 1000 сўм, охирги савдоларда жамият акциялари 295 001 сўмдан сотилган. Пакетнинг амалдаги эгаси - EUROCEMENT Holding AG. Оҳангаронцемент давлат илкидан кетгач, янги асрда шу билан учинчи янги эгасини топиши мумкин. Бундан аввал 2006 йилгача завод назорати Zeromax ихтиёрида бўлган. Завод EUROCEMENT Holding AG назорати остида бўлган вақтда 90- йиллардаги хусусийлаштириш битимларини бекор қилиш орқали уни тортиб олишга бир неча бор ҳаракатлар юз берган.