2 йил аввал 100 млн.доллар инвестиция киритилгани айтилган Оҳангаронцемент 50 млн.долларга сотилди Кипрнинг Lamanka Enterprises Limited компанияси Оҳангаронцементнинг 4 141 108 та оддий ва 106та имтиёзли акциясини 557,7 млрд.сўмга сотиб олган. Офшорда жойлашган ушбу компания 2018 йил 15 ноябрда ташкил этилган. Очиқ маълумотлардан компаниянинг асл бенефициарларини аниқлашнинг имкони бўлмади. Назаримизда улар бегона эмас, кўп ўтмай бу маълум бўлади. Акциялар сотувга қўйилган вақтда музокара аукциони тарзида битта акция учун эълон қилинган энг кам нарх 103 593,05 сўм дея эълон қилинган эди. Битим амалга оширилган куни имтиёзли акциянинг котировкаси 134 671,68 сўмдан, оддий акция котировкаси эса 759 200,00 сўмдан ўтган. Эътиборлиси, музокара аукциони эълон қилингандан буён ўтган даврда оддий акциялар бўйича биронта битим амалга ошмаган. Имтиёзли акциялар нархи эса 3 баробарга ошган. Оҳангаронцемент 2019 йилни 190 млрд.сўм, 2020 йил 9 ойини эса 187 млрд.сўм соф фойда билан якунлаган эди. Яна бир қизиқ маълумот шундаки, 2 йил аввал давлат раҳбарининг Тошкент вилоятига ташрифи вақтида"Евроцемент груп" президенти Михаил Скороход презентациясида Оҳангаронцемент учун 100 млн. доллар инвестиция киритилгани ва корхона таркибида янги завод учун 200 млн.доллар сарфланиши айтилган эди. P.S. КорпИнфо канали юқоридаги оддий ва имтиёзли акциялар бўйича котировкалар ўрни алмашиб қолгани ва хатоликка йўл қўйилгани айтилмоқда. Агар битим бўйича оддий акциялар 928 000 сўмдан (4 141 108 дона), имтиёзли акциялар 134 671,68 сўмдан (106 дона) сотилган бўлса, битим ҳажми 557,7 млрд.сўм эмас, 3 842,9 млрд.сўмни ташкил этган бўлади. @the_bakiroo