Давлатнинг мамлакат иқтисодиётидаги улуши 55 фоизни ташкил этмоқда Бугун бўлиб ўтган “Давлат корхоналарини трансформация қилиш ва хусусийлаштириш: иқтисодий ислоҳотларнинг янги босқичи” халқаро форумида қатор қизиқ фикр ва чақириқлар янграган. Хусусан, спикерлар Давлатнинг иқтисодиётдаги иштирокининг юқори даражаси соғлом рақобат муҳитини ривожлантиришга тўсқинлик қилиши, шаффоф хусусийлаштириш жараёнисиз маҳаллий ва хорижий инвесторларнинг ишончини қозониб бўлмаслигини қайд этганлар. Шу билан бирга, давлат корхоналарининг инвестиция ва бошқа лойиҳаларини молиялаштириш учун эксклюзив имтиёзлар ва преференциялар ҳамда давлат кафолатларини тақдим этиш амалиёти бекор қилиниши эълон қилинган. Қабул қилинган Стратегия бўйича 2025 йилга қадар давлат корхоналарининг сони босқичма-босқич 75 фоизга қисқартириши билдирилган.