Россия Марказий банки қайта молиялаш ставкасини ўзгартиришсиз - 6% даражасида қолдирди. Регуляторнинг қайд этишича, ҳозирда ҳукумат томонидан кўрилаётган чоралар молиявий барқарорлик ва иқтисодиётни қўллаб-қувватлаш учун етарли. Ставканинг ўзгартирилмаслиги борасидаги хабарга рубль курси деярли реакция кўрсатгани йўқ. Бундан аввал, Кремль томонидан бошқариладиган каналлар томонидан Марказий банк раиси Набиуллинанинг вазифасидан олиниши борасидаги хабарлар сиздирилганди.