Умумий овқатланишда иқтисодий ўсиш февралда ҳам тикланмаган Февраль якунларига кўра умумий овқатланиш корхоналарида савдо ҳажми ўтган йилнинг шу даврига нисбатан 99,2%ни ташкил этган. Барча корхоналар бўйича 11та ҳудудда, кичик корхоналар бўйича барча вилоятларда қисқариш давом этган. Чакана савдода эса рамзий 100,2%лик ўсиш кўрсатилган. Лекин бу секторда ҳам биронта ҳудудда кичик бизнес бўйича ўсиш кузатилмаган. Улгуржи савдо бўйича аҳвол яхшироқ, ўтган икки ойда жами 106,9% ўсиш қайд этилган. Кичик бизнес бўйича қисқариш эса тўхтамаган.