Орзудаги Ўзбекистонга етиш шунчалар қийинми? Кеча гринкард натижалари эълон қилингач юзага келган дилгирликдан сал чалғиш мақсадида твиттерда ўтказилаётган сўровларда Орзудаги Ўзбекистонни қуриш гринкард ютишдан ҳам, Европага кетишдан ҳам ва ҳатто миллион долларни қўлга киритишдан ҳам қийинроқ деб ҳисоблашмоқда. Орзудаги Ўзбекистон орзусини тўқиганлардан бири сифатида айтаманки, имкониятимиз унчалар ёмон эмас. Бунинг учун, Орзудаги Ўзбекистон тезлашиши учун, айтайлик, ўзбеклар ирландларга айланиши керак. Билмаганлар учун, Ирландияда 5 млн.ирланд яшаса, эркин дунё бўйлаб 70 млн.ирланд яшайди. Энди ўзингизга тасаввур қилинг, ирландларга ўхшаб ташқарида, бутун эркин дуне бўйлаб тарқалган 30 млн ўзбек бўлса, ичкарида Ўзбекистон ичида 6 млн.ўзбекистонлик қолса. Шунда Ўзбекистонда қолганларни энди алдаб бўлмай қолади, мажбурлаш имконсиз бўлади, ўмаришга одамнинг ўзи бўлмайди. Кейин табиийки, Эркин сайловлар ўтказишга тўғри келади, экономикани очишга, рақобатни қўллашга мажбур бўлишади. Мана Орзудаги Ўзбекистонга тезроқ етиш йўли. Кейин ўзлари чақиришади, келинглар мана эркинлик, мана бозор, мана ҳуқуқ, мана демократия, қайтинглар деб. Шунинг учун гринкард ютмаганлар кўнгилни чўктирманг. Эркин дунё кенг. Сизларни Австралиядан Исландиягача Эркин дунё кутмоқда. Ҳеч бўлмаса ўз олдингизга менинг фарзандларим Эркин дунёда яшаши керак деган вазифа қўйинг. Ҳаёт бир марта берилади.