Россиялик миллиардер Алишер Усмонов ҳақиқатан ҳам Ўзбекистонни яхши кўрса, шу мамлакат учун қўлидан келадиган энг катта яхшилигини қилиши керак – у Ўзбекистондан воз кечиши, Ўзбекистондан узоқлашиши, Ўзбекистонга умуман яқинлашмаслиги, Ўзбекистонни бутунлай унутиши керак. 2016 йилдан аввал Ўзбекистонни қандай билмаган бўлса, шундай билмасликда давом этиши керак. “Ўзбекистонга инвестиция киритинг, жаноб!” деб ялиниб боришса ҳам йўқ дейиши керак. Россиялик бу миллиардернинг Ўзбекистон ва ўзбекистонликлар учун қилган энг катта яхшилиги шу бўлади, манимча.