"Пандора" жамғармаси Кунўз депутатларнинг маошлари миқдори билан қизиқиб, маълумотлар тўплаш жараёнида, Олий Мажлис Қонунчилик палатаси депутатларига ҳар ойда махсус карталарга "махсус жамғарма"дан 10 млн.сўмдан қўшимча пул туширилиши ҳақидаги изоҳларга дуч келган. Матбуотда илк марта номи тилга олинаетган "махсус жамғарма" ҳақида 2017 йилдан бери турли миш-мишлар юради. Уларга кўра, мазкур жамғармадан нафақат депутатларга, ўрта поғонадан юқори поғоналаргача бўлган ўзбек чиновникларига "пора олиб қўймасликлари" учун қўшимча пул тўланади. Пул махсус карталарга туширилади. Албатта, ҳар бир давлат ўз хизматчиларини муносиб рағбатлантиришга ҳақли. Айрим тоифа лавозимларда амалдорларни расман белгиланган маош ва устамалар билан ҳукуматда ушлаб туриб бўлмайди. Чунки глобал меҳнат бозорида ёки тижорий компанияларда уларда афзалроқ таклифлар мавжуд бўлади. Шунинг учун бу ерда саволлар қўшимча ҳақ тўланаётганида эмас, жараённинг ёпиқ эканига бориб тақалади. Яна бир хавотир "махсус жамғарма"га маблағлар қайси манбалардан тушаетганига бориб тақалади. Агар солиқ тўловчиларнинг расмий солиқлари ва бошқа расмий бюджет манбаларидан бўлса, яхши. Аммо унда махфийликка не ҳожат? Шахсан мен амалдорларимизга қўшимча пул тўланаетган "махсус жамғарма" тушумларига ички, унданам ёмони ташқи олигархлар аралашган бўлишидан қўрқаман.