Швейцария Ўзбекистоннинг банк-молия соҳасидаги IT-маҳсулотлари учун ҳаб вазифасини ўташи мумкин Швейцария нафақат ўзининг ҳашаматли соатлари, мазали шоколадлари, балки юқори сифатли хизмат кўрсатувчи банк тизими билан ҳам танилган. Ўзбекистондан делегациясининг Швейцарияга ташрифи доирасида UZINFOCOM ва SPITCH (сўзлашув сунъий интеллектини (Conversational AI) глобал миқёсда жорий этувчи компания) ҳамкорликда MyID тизимини Швейцариянинг йирик банклари (UBS, Credit Suisse ва б.) фаолиятида жорий этиш ҳамда келгусида Германия, Италия ва Франция бозорларига кириб бориш тўғрисида келишувга эришдилар. Компаниялар учрашув ва муҳокамалар якунида имзоланган меморандумга мувофиқ қўшимча равишда банклар ва мобил операторлар фаолиятида call-марказларни сунъий интеллект технологияларидан, шу жумладан  ўзбек тилидаги нутқни синтез қилиш жараёнида Muxlisa AI дан фойдаланган ҳолда ҳамкорликда рақамлаштириш борасида келишиб олдилар. Реклама