Марҳамат ва Аравонда қўшалоқ байрам Бугун узоқ йиллик ёпиқликдан кейин Ўзбекистон ва  Қирғизистоннинг Марҳамат ҳамда Аравон туманларини боғлайдиган Мингтепа/Қора-Бағиш чегара ўтказиш пункти очилган. Чегаравий савдо ва транспорт алоқаси ривожланиши ҳисобига Аравон ва Марҳамат туманлари янги иқтисодий самара ва имкониятларга эга бўлади. Логистик жиҳатдан ўта қулай бўлган Қора-бағиш/Мингтепа ўтказиш пунктининг очилиши нафақат қўшни туманлар, Фарғона, Қува, Марғилон ва Асакадан Ўшгача бўлган масофани қисқартириб, аҳоли ва бизнес учун транспорт қатновини осонлаштиради, арзонлаштиради. Қўшалоқ байрам муборак!