Қачонлардир мегарегулятор ташкил қилиш режалари бор эди Ислоҳотлар энди бошланган, умидлар ўлмаган, режалар бир-бирини тўлдирадиган замонларда Ўзбекистонда қимматли қоғозлар, суғурта ва микрокредитлар бозори иштирокчилари фаолиятини мувофиқлаштирувчи Молиявий Мегарегулятор ташкил этилиши режалари бўлган. Лекин буни ҳозир ким эслайди. Воқеалар горизонти ва стратегик дейилган қарорларнинг ўртача умри 3-6 ойни ташкил этаётган, айни дамда ким кучли бўлса, хос ва хосмас ваколатларни (бюджетларига, номенклатура армиясига қўшиб) ўзида жамлаётган вақтда қизиқ ҳам эмас. Яна бир бор эслатиш керакки, Марказий банк мегарегулятор эмас. Бўлмаслиги ҳам керак. Амалдаги Қонунда бор функционалини ва ваколатларини бажаришига тўсқинлик қилинмаса, мустақиллиги таъминланса кифоя.