3 250 сўм. Газзаправкаларда табиий газнинг энг баланд чакана нархи белгиланмоқда Автомобилларга газ тўлдириш компрессор шохобчаларида газни сотишда унинг энг баланд чакана нархи келгуси олти ойда куб метр учун 3 250 сўмдан ошиб кетмаслиги бўйича қатъий чоралар кўрилиши режалаштирилмоқда. Бу 2023 йил 1 октябрдан 2024 йил 1 апрелгача газзаправкаларда газнинг нархлари ҳукуматнинг қатъий назоратида қолади дегани Эслатиб ўтамиз, юридик шахслар учун бир куб газнинг нархи 660 сўмдан 1500 сўмгача оширилмоқда (+840 сўм). Ўзбекистонда автомобилларга газ тўлдириш компрессор шохобчалари газни Худудгазтаъминот АЖ ва Ўзтрансгаз АЖ/Uzgastrade АЖдан сотиб оладилар. Ўзтрансгаз/Uzgastrade АЖдан тўғридан тўғри газ сотиб оладиган имтиезли газзаправкалар рўйхати ва номлари ошкор этилмайди. Ҳудудгазтаъминот АЖ орқали газ сотиб олинганида (қимматроқ) ва Ўзтрансгаз/Uzgastrade билан ишлаш имкони бўлганида (арзонроқ) нархлар шаклланиши ҳам турлича кечади. Ҳозирда газзаправкаларда газнинг бир кубаси ўртача 2800 сўмдан сотилмоқда (ҳудудлар ўртасида нархлар турлича фарқланади).